Садыр Жапаров шагыраган генералдарга ачууланып, ичинен бушайманга батыптыр
31-августта Оштогу Төлөйкөн ипподромунда башаламандык орун алып, көк бөрүнүн көркүн кетиришип, эл аралык коомчулукка чейин уят кылышты. Бейбаштыкка баргандардын пас деңгээлдери, арзыбаган эмоциялары өкүндүрдү. Мындай жиндиликти карап отурган Садыр Жапаров аягына чейин чыдабай, баса берди. Ошол маалда жергиликтүү бийликке, уюштуруучуларга нааразы болуп, андан сырткары шагыраган генералдарга да жини келиптир. Тартип, коопсуздукту караган ИИМдин орун басарларына түздөн-түз ачууланганын эшиттик. Дал ушуларга президент өзү генералдык чин даражаларды ыроологон эмеспи. Анан карабайсыңбы, эгемендүүлүк күнүндө ишенимди акташпай, араңжан сүлдөрүн көрсөтүштү. Уят! Садыр Жапаровдун ичинде көп нерсе бугуп калса керек. Баарын айта бербейт да. Бирок генералдардын жүздөрүн эртелеп билип койгону жакшы болуптур. Эртең сатып кетишкенде чыканак тиштегенде не?..
Айтмакчы, Аскар Акаев, Курманбек Бакиев, Алмазбек Атамбаев жана Соке дагы генералдарга ишенип адашкандарын, туура эмес багытты алышканын айтышкан. Негизинен төңкөрүштөргө жеткизген, калпыс маалымат беришкендер да ошолор эле. Өткөндөн сабак алуу керек...
