Акыркы кабарлар
21:02
» Коом » Ысык-Көлдүн тургуну Украинада каза болгон уулунун сөөгүн күтүп жатканы кабарланды
Ысык-Көлдүн тургуну Украинада каза болгон уулунун сөөгүн күтүп жатканы кабарланды
22-март, 17:09
Украинада cогушта каза болгону айтылып жаткан жигит Ысык-Көл облусунда туулуп-өскөнү маалым болду. Ысык-Көл районунун Кара-Ой айыл аймагынын башчысы Эрлан Жумеков 22-мартта "Азаттыкка" билдиргендей, маркумдун сөөгү Кыргызстанга келе элек.
“Сөөктү бул жакка алып келе элек. Күтүп жатышат. Атасы бул жакта. 2002-жылкы бала экен. Россиянын жараны. Башка маалымат жок” деди Жумеков.
Украинада согушта кыргыз жигит каза болгону тууралуу маалымат алгач 17-мартта чыккан. Фейсбук колдонуучулардын бири тааныштарынын орус армиясында төрт ай кызмат өтөгөн 19 жаштагы уулу согушта курман болгонун билдирип, маркумдун жакындарына көңүл айткан. Маалыматка караганда, аскер жигит жакындарына 22-февралда телефон чалып байланышкан. Анын Россияда иштеген апасына Россиянын тийиштүү мекемелери уулу 8-мартта каза болгонун, сөөгү Кант авиабазасына жөнөтүлөрүн айтышкан.
