Акыркы кабарлар
» Саясат » Саясатта дос жок, далыдан бычак урмай бар экенин Самыйкожо да далилдеди
Саясатта дос жок, далыдан бычак урмай бар экенин Самыйкожо да далилдеди
30-июнь, 09:00
Өткөн жумада депутаттык комиссия Адахан Мадумаровду кылмыш жоопкерчилигине тартуу боюнча уруксат берди. Бул курамдын арасында Мирлан Самыйкожо да бар экени эл ичинде талкуу жаратты. Кандайча? Эркин, оппозициячыл маанайдагы депутат мындай кадамга кантип барды? Ооба, көп түшүнбөстүктөр, арбын соболдор жаралды. Бирок, бул саясат да. Мирлан Самыйкожо караңгыда байкатпай келип, далыдан бычак урмайдын жаңы үлгүсүн көрсөттү. Ой-пикирлер, позиция сымаптай өзгөрүлүп кетерин далилдеди. Кызык бекен? Эмне үчүн бул көрүнүш күтүүсүз болду? Жогортон буйрук болсо керек.
А биз реплика ордуна кичине артка кылчаялы. Өткөн парламенттик шайлоо астында Адахан Мадумаров жарышка түшкөн Мирлан Самыйкожого ак жол каалап, колдоо сөзүн айтып, мактап, “тайторуну” сүрөгөндөй эле “саяпкерлик” кылганы эсибизде. Оңой менен Мадумаров бирөөнү мактабайт эле. Бул жагынан сөзгө сараң. Бирок Самыйкожого чечилип, алтын шилекейин чачыратканы ырас. Анан аягын көрүп атасыңарбы? Керек болсо акын да саясаттын чалчыгына батып, кайсы бир деңгээлде бийликтин ырын созуп коё берери ушул беле?.."Азия Ньюс" гезити
