Акыркы кабарлар
» Саясат » Мирлан Жээнчороев оңой жеткен мандатын “актап” атабы?
Мирлан Жээнчороев оңой жеткен мандатын “актап” атабы?
21-июль, 22:59
Аз күн мурун депутат Мирлан Жээнчороев “жер талкуусу” боюнча пикирин билдирип, пост жазыптыр. Адаттагыдай эле бийликти актап-жактап чыкты. Ар кимдин пикири өзү үчүн баалуу эмеспи. Мазмунун кайталабай эле коёлу.
Аныгына келсек, каарманыбыз мандатка Чыңгыз Айдарбековдон кийин жетмек. Ортодон “оюндар” болуп кетип, “жең ичинен” колдоого жетишип, көп добуш алган Айдарбековдун айласын кетиришип, анын ордуна Жээнчороев келип отуруп алганы кызык бекен? Эми аны “акташ” керек да, туурабы? Натыйжада, бийлик үчүн көкүрөгүн түрдүү соккуларга тосушу кажет, эт-бетинен кетип жактап, капталдан чыккан коргоочуга айланышы шарт. Мандатка оңой жетип эле анан тим жатып алса болобу? Жо-ок, кызмат кылышы шарт. Атпесе депутаттык креслосунан айрылабы?..
