Ленин округунан шайлоо чырга айланарын Келдибеков алдыртан айткан. Баракелде!
Ушундай. Ленин округунан шайлоо болору кабарланганда “Азия Ньюс” гезитинин журналисти Ахматбек Келдибековго кайрылып, учкай баарлашканын азыр жазууга туура келүүдө. (Себеби, бул бир эсе таңгалычтуу, табышмактуу көрүнүш). “Ахмат мырза, Ленин округунан шайлоого чыкпайсызбы?” деген соболго: “Бул күрөштүн аягы чыр-чатакка айланат. Шайлоо жыйынтыгы жокко чыгат” деп так кесе айткан. Көзачыктай эле билдиргенин карачы? Арканды алыс ыргыткан, анализ жасаган, кыраакы адам гана алдын ала туя билип, божомолу таамай чыгат эмеспи. Биз ушул ала жаздагы айтылган сөздүн бүгүнкү күнгө төп келишип калганына аң-таңбыз. Баракелде!
Натыйжада, Ахматбек Келдибеков Ленин округунан кайра шайлоо өтсө катышабы? Эгер атсалышса алдыга озуп чыгары шексизби? Эмесе, бул жагына дагы саресеп сала туралы. Эгерде мыйзамдуулук сакталса, кезектеги аламан күз айларында өтүшү мүмкүн...
"Азия Ньюс" гезити
