Прогноз погоды в городе Бишкек
Акыркы кабарлар
» » Бабанов ак илбирстей болуп, ыңгайды күтүп жатабы?..

Бабанов ак илбирстей болуп, ыңгайды күтүп жатабы?..

29-март, 00:37
1 174 ᠌ ᠌ ᠌ ᠌᠌ ᠌ ᠌᠌

Ак илбирстин сабырдуулугу ченде жок. Ал азыгына жетиш үчүн үч күн болсо да былк этпей жатып, качан ыңгайы келгенде аткан октой секирип, табылгасын илгиртпей баса калат. Тагдыр чечүүчү кезеңде аянбай күрөшөт. Амалдуу жаныбар. Жашоо философиясы башка жырткычтарга караганда өзгөчө...

Өмүрбек Бабановду ак илбирске салыштырууга толук негиз бар. Саясый күрөштө ал дайыма ыңгайды күтөт, мөөрөйгө жетүү үчүн чечкиндүү атсалышат. Эгер утулса, же кыйынчылыкка кабылса, багына билери белгилүү. Бир канча убакытка чейин көздөн далдаа кетет да, кырдаал чыңалып, олку-солку жагдай жаралганда кайрадан чыга келет. (Акаев, Бакиев, Атамбаев доорунан берки жүрүшүн эстегиле...) Учурда коронавирустун айынан коомчулук карантинде. Бул апаатты умрадан келген ажыкелер жугузуп, кыргыз элине коркунуч жаратты. Көпчүлүк катмар диний агымдан жийиркенишип, буктарын ичинде сактап жатышат. Өзгөчө абалдын шартына жараша жумушсуздук жаралды, бара-бара жашоо оорлошот. 70 пайыз калкыбыз жакыр. Экономикабыз эңшерилген. Коронавирус дагы канчага коркунуч туудурары белгисиз. Үйдө жамынган күндөр улана берсе, акыры кандай болот?.. 

Бабанов салттуу мусулманчылыкты карманган, көбүнесе светтик көз караштагы саясатчы. Эртең эл кыйналып, нааразычылык жарала баштаса, ал адатынча “жарк” эте чыга келсечи? Миллиондорун чачып, кайрымдуулук иштерин кылып коюшу маселе эмес. Анан көпчүлүк катмар токтоосуздан ээрчип кетсе кандай болот? Өткөн президенттик шайлоодо 600 миңден ашык добуш алган. Бул көрсөткүч эки эсе көбөйсөчү?..

Демек, Бабанов ак илбирстин образында ыңгайды күтүп, бугуп жатышы мүмкүн. Балким, секирик жасашына аз убакыт калды... Ага карата козголгон кылмыш иштери саясый кысымдын куралы беле?..

Aryba.kg    

Бөлүшүү:



Тектеш материалдар:
Эң көп окулгандар
(Видео) Индиядан келген дааватчылар милицияга баш ийбей коюшкан
“Казакстанда коронавирус катталды” деген билдирүү тарап жатат
“30-апрелде карантин токтосо, 100 миңдеген адамдардын өмүрүнө коркунуч келтиребиз”
(Видео) Карантиндеги чатак. Күйөөсү аялын терезеден ыргытты...
(Видео) Алматы көчөлөрүндө адамдар кулай баштады. Себеби?..
“Кремлде” делген Самаранын концерти айылдагы клубдун деңгээлинде өттүбү?
(Видео) Муфтий Максат ажыдан мындай соккуну эч ким күткөн эмес...
Aryba.kg - Маалымат порталы
Сайтка баа бер