Бийликке, президентке урулган соккуларды Камчыбек Ташиев жалгыз тосууда
Соңку убакта УКМК төрагасы Камчыбек Ташиев оппозиция менен кайым айтышып, жаакташып калганына күбө болуудабыз. Беш кол тең эмес, ар ким алына жараша баа берет эмеспи. Биздин токтоло турган маселе терең... Камчыбек Ташиев бийликке, президент Садыр Жапаровго урулган соккуларды жалгыз өзү тосуп алып, каршылык көрсөткөн күчтөр менен салгылашууда. Ошол эле учурда акүйчүл депутаттар, өкмөт мүчөлөрү тымпыйышып, ооздоруна талкан сугунуп алышкандай отурушат. Кайдыгер карашып. Андайлар иштеп деле кыйратышпайт, тек гана өздөрү үчүн түзүлгөн комфорт жашоодо гана жыргашууда. Көпчүлүгү мурдагы бийликтердин короолоруна кирип чыгышкандар. Улам заман алмашкан сайын мант беришип, кубулушуп, сатып кете бергендер да. Мына ушул өңүтүнөн акыл калчоо зарыл. Ал эми Камчыбек Ташиев жакшы-жаман көрүнгөнүнө карабай, өз чындыгы үчүн күрөшүүдө. Мезгил баасын берсе керек...
"Азия Ньюс" гезити
