Умар Анарбаев, серепчи: “Коомдогу жаңылануу процессинен саясатчылар тазаланды”

12-июль, 22:25

1 099 ᠌ ᠌ ᠌ ᠌᠌ ᠌ ᠌᠌

-- Умар агай, мурда саясатта, коомдук иштерде активдүү болгондор неге азыр дымып калышты?

-- Акыркы беш жылда коомдук, саясый же бизнес чөйрөсүндө мурда активдүү жүргөн адамдардын көрүнбөй калышы бир нече себептерге байланыштуу. Көпчүлүгүнө карата куугунтук болуп, айрымдары өз эрки менен саясаттан же коомдук жашоодон четтеди. Кээ бирлери өлкөдөн чыгып кетүүгө мажбур болушту. Башкалар бийликтин алмашуусунан кийин орундарын жоготушуп, жаңылануу процессинде сыртта калышты. Карыгандары жөн гана чарчап, тынч жашоону тандашты. Бул көрүнүштү толугу менен “куугун-сүргүн” деп баалоо туура болбойт, бирок андай элементтер жок эмес. Тазалануу менен коштолгон саясый трансформация да маанилүү роль ойноду. 

 "Азия Ньюс" гезити