Адылбек Касымалиев кетип, ордуна кризис-менеджер келеби?
Акылбек Жапаров өкмөттү башкарып отурганда кымбатчылыкка карата окшоштура сүйлөп, элди жайгарып турчу эле. Азыркы башбакан Адылбек Касымалиев эмне менен алек экени белгисиз. Эсеп-кысап жагынан колу бошобой, айлык-пенсияны бөлүштүрүү менен гана чектелип калдыбы? Учурда каатчылык кара тумоодой каптап, карапайым калкты жакырчылык басып, барган сайын жашоо кыйындап баратат. Кымбатчылык кендирди кесүүдө. Инфляцияны ооздуктоого өкмөттүн шайы келбей калды. Дал ушул элдин оор турмушу боюнча Адылбек Касымалиев ой-пикирин, алдыдагы программасын айтса болбойбу? Өзгөчө азык-түлүк, тамак-аштын баасы асмандап кетти. Улам убакыт өткөн сайын баалар өсүүдө. Кандай кылуу керек? Азыркы өкмөт кетип, ордуна кризис-менеджер келбесе кырдаалдан чыга албай калдык го? Ойлоно турган кез ушул. Жазга көтөрүм болбой жетебизби?..
