Өзүбек ажы Чотоновго укук коргоо органдары баа бербейби?
Чегинен чыгып кетти. Өзүбек ажы Чотонов соцтармакта аялдарга акаарат келтирген постторду жазып, дайыма талкуу жаратып келет. Андай кылык-жоруктары боюнча экспертиза түзүлүп, укуктук баа берилиш керек эле. Тилекке каршы, бул молдокени тайраңдатып келебиз. Ашынып кетти. Жакында көп аял алганына манчыркап, мактанып, коомго мыйзамсыз үгүт сөздөрүн агытканы эмнеси? Ушул кантип болсун? Кыргызстанда эки же андан ашык аял алууга уруксат жок, мыйзам жол бербейт. Ал эми Өзүбек ажы аялдарын кантип башкарарын айтып, эрдемсип жатса, укук коргоо органдары эмнеге баа беришпейт? Же сөзсүз эле УКМК төрагасы Камчыбек Ташиевге кайрылуу керекпи? Соцтармактагы мыйзамсыз көрүнүштөрдү башка органдар деле анализдеп, экспертизадан өткөзүп, жазалоо жагын колдонсо не?
