Азенбек Козукеевдин моралдык жоопкерчилигин кароого мезгил келдиби?
Жол кырсыктарынын айынан жакындарын жоготкондор зар какшашып, интернет булактарына арбын чыгууда. Күнүгө, жума сайын өлгөндөр, жаракат алгандар көбөйдү. Соцтармактан кагышкан, оодарылып жаткан автоунааларды байма-бай көрүп калдык. Эреже бузуп, катуу айдагандар башкалардын тагдырларын талкалап жатышат.
Жол кыймылынын коопсуздугун камсыздоо башкы башкармалыгынын начальниги Азенбек Козукеевдин моралдык жоопкерчилигин кароого мезгил келдиби? Адилеттүү түрдө баа берилбесе, кырдаал чектен чыгып баратат го? Бул эргул иштей албаса, элдин убалына калбай кете бербейби? Өлкөдө эмне болуп атканын өзү түшүнүп атабы? Ушундай “чала сабаттар” бийликтин рейтингине доо кетире береби? Кыскасы, соболдор көп. Жообу жок.
Туристтик сезон ачылып, тоого, көлгө баргандар арбыды. Эми жайкы каникул башталса, чет элдик саякатчылар, өзүбүздүн жарандарыбыз да Кыргызсандын кооз жерлерин кыдыра башташат. Басымдуу түрдө. Ал эми жол коопсуздугунун абалын көрүп атасыңар – өтө кейиштүү!
Айланайын Азенбек, ойлонуңуз, колуңуздан келген эле ишти кылбайсызбы?
