Акылбек Жапаров президент Садыр Жапаровдон кийинки таасирдүү фигурага айланууда
Министрлер кабинетинин төрагалыгына Акылбек Жапаров жаңы шайланганда элита чөйрөсү ар түрдүүчө жоромол кылышкан. Көпчүлүгү “бул “куурчак” эле, эч нерсе чечпейт, тескери иштесе камалат, ашып кетсе жарым жыл отурат” деген сыяктуу божомолдорду божурашкан. Бирок, натыйжада андай эмес экенин турмуш көрсөтүүдө. Учурда Акылбек Үсөнбекович президент Садыр Жапаровго эң көп идея берген, сөзү өтүмдүү башбаканга айланды. Кадр саясатын, каржылык, чарбалык, өндүрүштүк иштерди өз алдынча чечкен, кыраакы жүзүн көрсөтүүдө. Мындайча айтканда, президенттен кийинки эң күчтүү саясый фигура катары калыптанып баратат. Орто жерден өкмөт башчылыкка чуркагандардын да тизгини кагылып калыптыр. Интрига басаңдай түштү. Эгерде Акылбек Жапаров күзгө чейин ушундай темпте кете берсе, анда таасири мындан да артып, күч органдарын да каалагандай башкарууга мүмкүнчүлүк алат. Дароо эле аска-чокуга чыга албаган сыңарындай, ага карата акырындык менен эмгектениш керек. Бул өңүтүн ушундай карасак жарашчудай.
"Азия Ньюс" гезити
