Эмне үчүн Райым Матраимов менен саясатчылар, журналисттер дос болгусу келишет?
Адамдар кызык элебиз. Аз күн мурда Райым Матраимов соцтармакта талкууга алынды. “Беш кол тең эмес” дегендей, ар кандай пикирлер айтылды. Жылуусу менен жагымсызы аралаш... Уулдары Хабиб жана төбөлдөрдүн балдары менен бир кечеде сүрөткө түшүп коюшуптур. Жөн жай гана көрүнүш. А эмнеге анча ичтери тарышты? Көрсө, кептин баары каарманыбыздын кызыктуу фигура катары калыптанып калганында экен. Сөз кыябы келгенде баса белгилейли: Райым мырза менен таанышкысы келгендер арбын, дос болууну кыялдангандар андан көп. Саясатчысынан журналисттерине чейин “топурашат”, чиновниктерди, ырчыларды ж.б. айтпай эле коёлу. Бул ачуу чындык! Кыскасы, коомчулукту кыйла кызытат. Учурда ал саясаттан оолактап, эс алып, жеке турмушу менен алек. Бирок айрым кежир кыкеңдер сөйкөнө берет тура. Мисалы, Райым Матраимов боюнча маалымат, сүрөт, же кайсы бир жерде жүргөн видеосу чыкса, дароо реакцияга “жем” ташталат. Эмнеге? Тек гана көпчүлүктүн кызыгуусун жаратканы үчүн. Арийне, адамдарда сейрек кездешкен жылдызы, сыр каткан жандүйнөсү менен башкалардан айырмаланып тургандай. Дагы бир таңгалычтуу жагдай, соңку беш-алты жылда наристелерине Райым деп ысым берген мекендештердин көбөйгөнү эмнеси? Чечмелейли...
"Азия Ньюс" гезити
