Көп купуя сырды билген Данияр Абдыкаров суракка алынабы?
2010-жылы Данияр Абдыкаров УКМКда тыңшоо башкармалыгын жетектеп, Кеңешбек Дүйшөбаевдин оң колу болуп турган. Ошол кезде Июнь окуясынын алдын албоого кыянаттык кылышканбы? Банк уячадагы “миллиондорду чечишүү” маселеси сыяктуу сүйлөшүүлөрдү ким жаздырып алып, жарыялады эле? (Темир Сариев менен Азимбек Бекназаровдун телефондон “акылдашканы” эсиңердеби?) Ал акчалар каякка житип кеткен?.. “Желмогуздун чоңунан эмес, кичинекейинен корк” дегендей, убагында Данияр Абдыкаров олуттуу кызматты аркалап, бүт баардык сырларды алып, жашырып, кийин карьералык секирик жасаганы жөн жерден эмеспи? Күч органдарында иштеген айрым кызматкерлер ушул жагынан маселе аксап атканын эскертишүүдө. Аларга мыйзамдуу, калыс иликтөө иштери боюнча буйрук берилсе, кыйла купуя сырлар ачыкталабы?..
"Азия Ньюс" гезити
