Жеңишбек Токторбаев менен Баатырбек Жантаев пиар кылуу жагынан тирешкенде
Өлкөдөгү дээрлик губернатор, мэр, акимдер өздөрүн алды-артынан видеого тарттырууну, сүрөт чыгарууну, көкөлөтө чагылдырууну токтотушкан. Бир гана Ош шаарынын мэри Жеңишбек Токторбаев менен Балыкчы калаасынын башчысы Баатырбек Жантаев калды. Экөө тирешип жаткандай. Мындай карасаң күнүмдүк эле жумуштарды айтышып, көчө кыдырышып, бакылдап жүрүшөт. Эми өз милдеттерин даңаза кылбай эле жасашса болбойбу? Акыркы убактарда баам салдык. Жеңишбек Токторбаев менен Баатырбек Жантаев бири-биринен өтүп, жаңы жарнама идеялары менен алпурушуп калышкандай. Кимиси кыйын экен? Албетте, эл баа берет. Негизи салмактуу кадрлар, алысты көрө билгендер утурумдук, жеңил-желпи пиардан бийик турушат эмеспи. А булардын “таз кейпин” көрүп атасыңар да...
"Азия Ньюс" гезити
