Акыркы кабарлар
» Саясат » Садыр Жапаров саясый оппозиция тууралуу оюн айтты
Садыр Жапаров саясый оппозиция тууралуу оюн айтты
25-апрель, 16:23
Президент Садыр Жапаров "Кабар" маалымат агенттигине курган маегинде саясый атаандаштары, оппозиция тууралуу суроого жооп берди. Анда бийликти сындагандар керектигин белгилеп, бирок ошол эле учурда аларды такталбаган маалыматтарды таратып жатат деп айыптады.
"Өлкөдө оппозиция бар. Алардын болуп турганы жакшы. Алар айткан кемчиликтерди чиновниктер угуп, түзөлүп турушат. Бирок оппозиция десе эле жеке кызыкчылык үчүн калп маалыматтарды таратып, элди дүрбөтпөш керек. “Калптын казаны кайнабайт” дейт. Көп болсо 4-5 күн ызы-чуу кылышат. Анан эле чындык чыгып калып жатпайбы. Оппозициянын арасында чет өлкөлүк кожоюндарынан акча алып, ошолордун гана кызыкчылыгы үчүн “элди көтөрөбүз, революция кылабыз” дегендер да бар. Баарын билебиз. Аларга тийбегиле дедим. Биздин өлкөгө акча келе берсин. Оппозицияны бакса да, бизге пайдалуу" деди Жапаров.
