Сеид Атамбаев: “Башмыйзамды одоно бузуу менен атамды мазактап жатышат”
-- Сеид мырза, атаңыз Алмазбек Атамбаев акыркы жолу сотто “мени мазактаганыңарды токтоткула!” дегендей ачуу сөзүн айтты. Сиз ушу боюнча эмне дейт элеңиз?
-- Биринчиден, Атамбаев Алмазбек Шаршенович азыркы Башмыйзамга ылайык “экс-президент” деген макамына ээ. Аны жалгыз мен эмес, башка депутаттар да айтып жатышат. Кыргызстанга 6 жыл кызмат кылган экс-президентти Башмыйзамды одоно бузуу менен бирге саясый өч алуу үчүн соттоп жаткандары аз келгенсип, ооруп жаткан кишини сот отурумуна сүйрөп жаткандары, албетте, мазактаганга барабар.
-- Парламенттен “менин атамды чыгарбасаңар да, Фарид Ниязовду эч болбоду дегенде үй камагына чыгаргыла” дегендей айттыңыз. Эмнеге негиз кылдыңыз?
-- Ниязов Фарид Абилезимовичти дагы саясый жактан куугунтуктап, күнөөсү эч далилденбесе да сотко байма-бай сүйрөп жатышканы анык. Сиз билгендей, Фарид Ниязовдун үй-бүлөсүнүн жагдайына байланыштуу сурангам. Оор шартта жашап жатышат...
Сурат Жылкычиев
"Азия Ньюс" гезити
