Руслан Казакбаевдин келечекке карай таасири артабы? Атамбаев колдосо...
Октябрь төңкөрүшүнөн кийин экинчи ирет тышкы иштер министри болгон Руслан Казакбаев тийешелүү милдетин так аткарып, колдон келишинче аракет кылууда. А эмнеге ири ийгиликтерге жетишпей атабыз? Мандем кайсы жакта экенин өзү билсе керек... А биз кеп кыла турган маселе башка. Соңку убакта Алмазбек Атамбаев саясаттан таасир жаратып, бийликти кыйла коркутуп атканы байкалды. Дал ушундай тирешүүлөр токтобой, күчөй берсе аягы эмнеге алып барат? Атамбаев абакта жатса да, максатына жетүү үчүн саясый топторду кеңейтүүгө кызыкдар экени, бул багытта иштер жүрүп атканы айтылууда. Кимди көтөрөт? Айрым билермандар Руслан Казакбаевди келечектеги лидер катары көрүүгө, сүрөп чыгууга кызыкдар болушканы кандай? Негизи мындай демилге Руслан мырзаны жаман көрсөтүү үчүнбү, же чындап эле саясаттын казанын боркулдатып, кожоюн сыңарындай төрдө отурууга мезгили жакындадыбы? Көрө жаталы.
"Азия Ньюс" гезити
