Баткен согушунда Октябрь Урмамбетов коопсуздукту карабай, мончодо жаткан видеосу тарады

13-октябрь, 20:13

1 859 ᠌ ᠌ ᠌ ᠌᠌ ᠌ ᠌᠌

Тажрыйбасыз, билими тайыз кадрдын акыры айыбы ачылат тура. Өткөн айда Баткен согушу болуп атса, ИИМдин орун басары Октябрь Урмамбетов мончого түшүп, чардап жаткан видеосу Ютубга чыгып кетти. Сыртта эл качып, кырылып, тажиктер баскынчылыгы үрөй учурган кезеңде ушундай чартаңбай тебеби? Кири эзилип, мокочо болуп кетсе да коопсуздук үчүн тикесинен тик турбайт беле? Же “чийме каштар” азгырганбы? Айтор, түшүнүксүз. Бул боюнча ИИМ жетекчилиги кызматтык териштирүү кылуу менен жазалайбы? Көрө жаталы. Калк башына каран күн түшкөндө жогорку жетекчилер жеке жыргалчылыгы, эс алуусу менен алектенип жатышса, анан кайдагы ишенимди айтабыз? Эрксизден баш чайкайсың да. 

"Азия Ньюс" гезити