Садыр Жапаров Азербайжанга кетти (делегациянын курамында кимдер бар)
Бүгүн, 19-апрелде президент Садыр Жапаров Азербайжандын Баку шаарына расмий сапар менен учуп кетти. Анын алкагында Азербайжандын президенти Илхам Алиев, Милли Межлистин төрайымы Сагиба Гафарова менен эки тараптуу сүйлөшүүлөрдү жүргүзөт. Жергиликтүү ишкер чөйрөнүн өкүлдөрү менен жолугушат. Ошондой эле саясый, экономикалык, маданий жана башка тармактарда эки жана көп тараптуу кызматташуунун актуалдуу маселелери талкууланат жана бир катар документтерге кол коюу пландалууда.
Кыргызстандан барган делегациясынын курамы:
– президенттин жубайы Айгүл Жапарова;
– тышкы иштер министри Руслан Казакбаев;
– президенттин администрациясынын тышкы саясат бөлүмүнүн башчысы Жээнбек Кулубаев;
– Кыргызстандын Азербайжандагы элчиси Кайрат Осмоналиев;
– айыл чарба министри Аскарбек Жаныбеков;
– санариптик өнүктүрүү министри Талантбек Иманов;
– транспорт жана коммуникация министри Эркинбек Осоев;
– экономика министри Данияр Амангелдиев.
