Алымкадыр Бейшеналиев бизге керекпи же?..
Оргу-баргы, омбу-домбу сүйлөгөн саламаттык сактоо министри Алымкадыр Бейшеналиев “24 медициналык окуу жайдын 17син жабам” деп тизмесин жарыялады. Алардын канчасы талапка жооп берет же жооп бербесин мамлекеттик комиссия чече турган болду. Алымкадыр Бейшеналиевдин мындай билдирүүсү коомчулукка жагып, колдоого ээ болуп жатат. Себеби, сабатсыз кадрларды даярдап жаткан окуу жайлар элдин көкөйүнө көк таштай тийиптир. Азыркы учурда өлкөбүздө 76 жогорку окуу жайы бар. Кыргызстан университеттердин саны боюнча дүйнөдө алдыңкы орундардын биринде турат. Ал эми сапаты боюнча эң арткы орундарды ээлеген.
Жаңы билим берүү жана илим министри Алмазбек Бейшеналиев реформатор катары таанылган мыкты жетекчилердин бири. Ал жогорку билим берүүдөгү ушундай башаламан, чаржайыттыкты жөнгө салып, сапатсыз билим берип жаткан университеттерди кыскартып, билим берүүнүн сапатын көтөрөт деген элдин үмүтүн актайт деп ойлойбуз.
Сурат Жылкычиев
"Азия Ньюс" гезити
