Акыркы кабарлар
» Саясат » Алмазбек Бейшеналиев билим берүү министринин милдетин аткармай болду
Алмазбек Бейшеналиев билим берүү министринин милдетин аткармай болду
15-февраль, 12:01
Алмазбек Бейшеналиев мурда ээлеген кызматынан бошотулуп, Кыргызстандын билим берүү жана илим министринин милдетин аткаруучу болуп дайындалды. Бул тууралуу президенттин маалымат кызматы билдирди.
Тийиштүү жарлыкка өлкө башчы Садыр Жапаров кол койгон. Президент өзүнүн башка жарлыгы менен мурдагы министр Болотбек Купешовду ээлеген кызматынан бошоткон.
Министрлер кабинетинин төрагасы Акылбек Жапаров 14-февралда мамлекет башчынын жарлыгын окуп, билим берүү жана илим министрлигинин борбордук аппаратына министрдин милдетин аткаруучу Алмазбек Бейшеналиевди тааныштырды.
Жапаров жаңы дайындалган башчы билим берүү жана илим тармагын жакшы билерин белгилеген. Ошондой эле Алмазбек Бейшеналиевге билим берүүнүн сапатын жогорулатууга, атаандаштыкка жөндөмдүү муунду даярдоого, билим берүү системасынын бардык баскычтарында натыйжалуу реформаларды жүргүзүүгө багытталган бир катар тапшырмаларды койгон.
