Прогноз погоды в городе Бишкек
Акыркы кабарлар
» » Депутат Жеңишбек Токторбаев бир жума кеч ойлонобу?

Депутат Жеңишбек Токторбаев бир жума кеч ойлонобу?

10-февраль, 09:00
572 ᠌ ᠌ ᠌ ᠌᠌ ᠌ ᠌᠌

Өткөн жумада вице-премьер-министр Эдил Байсалов парламент депутаттарына кеңеш берүү маанайында сын айткан. Айткан сөзү кыргызчадан орусчага которулганда, мааниси өзгөрүп кетиптир. Бул боюнча талаш-тартыштар жаралып, аягы жыйынтыкталган. Эдил Байсалов спикер Талант Мамытовго жолугуп, ортодогу маселени талкуулашып, мунасага келишкен эле. 

Тилекке каршы, “Ата Журт Кыргызстан” фракциясынан депутат Жеңишбек Токторбаев өткөн жумада уктап калганбы, айтор, кечээ парламенттен үн чыгарып, күпүлдөп алды. “Оозунан ак ит кирип, кара ит чыккандай” эле шыбады. Кайран гана жогорку трибуна! “Темирди кызуусунда чап!” дейт. Вице-премьерге байланыштуу маселе бир жума мурун эле талкууланып, эки тарап бир пикир келишкен. Маселеге чекит коюлган эмеспи. Анан Токторбаев түшүнөн чочугансып эле айгайлап, же бир жума кеч ойлонобу, чак түштө атырылып чыкты го? “Ал минтип айткан, мен минтип жооп берем” дегендей базар деңгээлиндеги кепти козгоп, майдаланып, жеткен дараметин көрсөтүп койду. Баракелде!

Эмне дейбиз? Эдил Байсалов депутаттардын мурдагыдай укуктары жок экенин эскертип, жаңы Конституция боюнча жашоого үндөп, күндө эле талаш-тартыштын, популизмдин үстүндө отурбай, баардык мамлекеттик органдар элдин жаркын жашоосуна кам көрүү керектигин билдирип, реалдуу чакырык таштаган. Анан контексттен улам бир сөздү жулуп алышып, талкуулай беришеби? Түшүнбөгөндөр аркандалган сыңарындай эле айланып калышканбы? Аныгында, Байсалов эл аралык алкактагы саясатчы, соода-сатыктан келгендерге кылы да кыйшайбайт! “Семь секунд кап этпейбиз” дегендей... 


"Азия Ньюс" гезити

Бөлүшүү:
Тектеш материалдар:
Эң көп окулгандар
Жөтөлдөн айыгууга сонун рецепттерди сунуштайбыз. Сактап коюңуз!
Бүркүттүн алдында калган коёндой эле бырпырадым…
(Видео) Баткен согушунун ардагерлери элибиз үчүн күйүп, кайрылуу жасашты
(Видео) Лейлектеги атышуу: "Кыргыз элим, биз жардамсыз калдык..."
(Видео) Баткен губернатору Алимбаевди тоготпой, 70 пайыз жетекчилер кетип калышыптыр
Президент Садыр Жапаровдун акыркы кырдаал боюнча кайрылуусу
Өлгөн адамдар түшкө кирсе эмне болот?
Aryba.kg - Маалымат порталы
Сайтка баа бер