Акыркы кабарлар
» Саясат » Медер Алиев: “Үйлөрүн, унааларын күрөөгө коюп шайлоого баргандарды угуп, жакамды кармадым”
Медер Алиев: “Үйлөрүн, унааларын күрөөгө коюп шайлоого баргандарды угуп, жакамды кармадым”
01-декабрь, 11:44
1 851 ᠌ ᠌ ᠌ ᠌᠌ ᠌ ᠌᠌“Ишеним” партиясынан депутаттыкка талапкер Медер Алиев шайлоо тууралуу өз пикирин жазды.
“Ээ таңгөрү десе... Заманың кургур. Угуп, жакаңды кармайсың… Канча деген депутаттыкка талапкерлер үйлөрүн, машинелерин күрөөгө коюп, сатып, миллиондогон акчаларды карызга алып, өтпөй калышып, азыр ооруп больницага жатып калгандары бар экен. Күлкү эмес, ыйлай турган жагдай. Кээ бирлери “эми эптеп шайлоону жокко чыгарабыз” деп үмүттөрүн өчүрө албай жатышыптыр.
Бир региондо утулуп калган кандидаттар өзүбүздүн кыргыздар экен, бир ынтымакка келише албай, добуштар чачырап кетип, эми ошол региондо жашаган башка улуттун өкүлдөрүн “силерге көргөзөбүз” деп жатышыптыр. Кыйраттыңар, шайлоодо утулсаңар, башка улут күнөөлүүбү?!
Өмүрүндө он кишинин добушун ала албаган, 30 жыл аралыкта саясатта жүрүп кыргызды азыркы акыбалга алып келген, элдин ишениминен давно чыккан талапкерлер да жүрүшөт дейт ызылдашып, “добушум уурдалды” дешип. Таңгөрү, шайлоонун шайтан оюну. Адамды айбан кылган шайлоо. Күтө туралы, провокацияга алдырбайлы, кол менен эсептөө бүтсүн, бүт тараптар ошого катышсын. Баары мыйзам чегинде болсун” деп жазган Медер Алиев.