Бабановдун ичи күйүп, Жээнчороевди каржылык жактан колдобой коюптур
“Чимкирик” депутаттардын ичинен азганакай гана эр жүрөктөрү, элдин мүдөөсүн айткандары бар. Сап башында Мирлан Жээнчороев турганын коомдук талкуулардан кийин аңдап атабыз. Шефи Өмүрбек Бабанов коркоктук кылып, коңулга кирип кеткенден кийин кимдин-ким экени билинди. Мезгил баарын ордуна коёт тура. Ушул тапта Мирлан Жээнчороев өз алдынча саясатка аттанып, “коён кожоюндун” короосунан бошонуп чыкканы, чоң саясатта таасир жаратууга белсенгени байкалууда. Бабановдун рейтинги плинтуска түшсө, бул жигиттики жогору секирди. Ушул жагынан кыраакы адамдар туура баа беришүүдө. Дүнүйөкорлуктун, сүткорлуктун айынан саясаттан четтеп калган БӨТтүн ичи ачышып, Мирлан Жээнчороевди каржылык жактан колдоодон баш тартканы каңкууланды. Эми таластыктар эле эмес, бүтүндөй көпчүлүктүн жек көрүүсү күчөйбү?
"Азия Ньюс" гезити
