“Каралар” менен кызматташкан Бурканов Баткенден Мадумаровду жыгабы?
Айтылуу Арзыбек Бурканов парламенттик шайлоонун амалдары менен баш оорутуп аткан чагы. Резиденцияда майкечен жүрүп калганына мактанып, “каралар” менен кызматташканына делөөрүйбү? Аларга көз карандыбы?.. Айтор, Адахан Мадумаровдун “Бүтүн Кыргызстан” партиясын жыгууга ашыгып, “Ишенимди” сүрөп, жакындарын да депутат кылуу үчүн Баткен облусунан иштей турганы айтылды. Ал жактагы көпчүлүк чиновниктер туугандары, дос-жарлары эмеспи. Эл көзүнөн оолак Арзыбек Бурканов бизнести да катыра кылууга ашыгып атыптыр. Бийликтин адамы сыңарындай көрүнүп, ишкерликтин изине түшүп, ири долбоорлорго, тендерлерге аралашса эле кекиртегине чейин чөмүлүп кетпейби? Бул дүйнөдө аял менен акчанын түбүнө эч ким жеткен эмес. Пенде баласы бар оокатка каниет кылбаса, ачкөздүктүн аягы эмнеге алпарарын көрүп атпайбызбы. Топук кылуудан өткөн баалуулук барбы? Арзыбек адыраңдай бербей сабак алабы?..
"Азия Ньюс" гезити