Министр Кайрат Иманалиев идеология эмне экени билеби, же дубал сүзө береби?
Маданият, спорт жана жаштар саясаты министри Кайрат Иманалиевдин айтканына караганда, өлкөдөгү идеология театр жана искусство тармагында жүрүш керек экен. Белгилүү бир максатка багытталган идеология башталбай жатса, театрга эл барбаса, артисттери эл аралап гастролго чыкпаса, кайсы идеология тууралуу айтып жатат? Аймактардагы китепканалардын фонду толукталганды коюңуз, иштебей турса, клуб, маданият үйлөрүн кара кулпу кайтарып турса, Кайрат Иманалиев кайсы идеология тууралуу айтууда? Ушундан улам бир ой пайда болот: бу маданият министри Кайрат Иманалиев идеология деген эмне экенин билеби, деги түшүнөбү, же дубал сүзө береби? Ал айча бел аспиранткаларды жандаган кашкабаш профессорлордон, Сыртбай Мусаевге окшогон “дүжүр чалдардан” жумушчу топ түзүп алып, жасалма программа жаздыра салса эле идеология болуп жатып калабы? Бу идеология дегенибиз өлкөнүн саясый, экономикалык, социалдык турмушундагы зарылчылыктан келип чыгат эмеспи. Ар кайсы даяр китептерден көчүрүлгөн халтуралар иштебейт.
"Азия Ньюс" гезити
