Өмүрбек Бабанов ак жеринен күйүп жатабы?
Өмүрбек Бабановдун камалышы көп суроолорду жаратууда. Анын абактан элге кайрылган сөзү орундуу, жүйөлүү болуп, ишинин ак экенин далилдеп тургандай. Окуп көрөлү: “1. Ким Кумтөрдөн 16300 гектар жерди мамлекетке кайтарды? 2. Ким Жогорку Кеңештин чечиминен кийин дароо мамлекеттик комиссия түздү? 3. Премьер-министрлердин ичинен кимиси “Центерранын” экологиялык кылмыштарын эл алдында ачыктап, келишимди өзгөртүү керек (!) деп ачык айтты эле? 4. Премьер-министрлердин ичинен кимиси Кумтөрдү калктын начар жашаган аялуу катмарына жардам катары 21 миллион АКШ доллары өлчөмүндө каражат бөлүп берүүгө мажбур кылды эле?”
Мында келтирилген аргументтер менен фактылар Өмүрбек Бабановдун ишинин ак экенин кашкайтып далилдеп турат. Эгер ушунун баары чын болсо, анын эч кандай күнөөсү жок. УКМК азырынча койгон айыптарын далилдегенге шашкан жок, эмне билгени бар? Же атактуу олигархты жөн эле “кустуруу” максатын көздөп жатышабы? Анда аны саргайтып темир торго камоонун эмне зарылдыгы бар дейм да?
"Азия Ньюс" гезити