Марат Иманкуловдун бийликке сын-пикир жарата баштаганы бекер жерден эмеспи?
Коомчулукта орчундуу суроолор коюла баштады. Албетте, бул жагы Марат Иманкуловго байланыштуу. Коопсуздук кеңеши соңку жылдары кандай пайдалуу иштерди жасады? Бул кызматтын кереги барбы? Эмнени кыйратты? Ошого улай эле мамлекеттик катчылык да талкууга алынууда. “Аты улук, супарасы курук” дейт. Анын сыңарындай, бул кызматтын элге пайдасы барбы? Дал ушул собол боюнча да соцтармактарда курч мааниде жазып жатышат. Кыскасы, Марат Иманкуловго байланышкан бийлик бутактарынын мааниси кете баштадыбы? Жоюп жиберишсе чыгашалар кыскарып, мамлекетке жеңилдик келет беле? Ооба, бул боюнча да соболдор арбын коюлууда. Кыскасы, Марат Иманкулов бийликке сөз тийгизип, сын-пикир жарата баштаганы бекер жерден эмеспи? Талдоого алып, баа бере турган мезгил келди го...
"Азия Ньюс" гезити
