“Chaika Resort” экс-премьер-министр Жоомарт Оторбаевге караштуубу?
Ысык-Көлдөгү “Chaika Resort” пансионаты алдыңкы эс алуучу жайлардын катарына кирип, чоңдор, күркүлдөр жана “жылдыздардын” баары ушул жактан жымыңдашты. Заманбап курулушу, жогорку деңгээлдеги тейлөөсү, тамактарынын даамдуусу, айтор, баардык жагынан төп келишкени мактоого алынууда. Кыскасы, өтө кымбат баалуу пансионаттын ээсине кызыктык. Кимдики? Айрым узун кулактардын билдирүүсүнө караганда, “Chaika Resort” экс-премьер-министр Жоомарт Оторбаевге таандык экени айтылууда, чынбы? Эгерде мындай болсо, чатак го? Өмүр бою мамлекеттик кызматтарда иштеген чиновник ушундай “бейиштин төрүндөй” жайды кантип курмак? Ооба, бүйүр кызыткан суроолор жаралууда. Аныгында УКМК дыкат иликтеп, териштирип чыкса, кимдики экени айкын билинет. (Жашырып-жапмай бизде “мода” болуп калбадыбы). Ошондо Камчыбек Ташиев оңой эле “кустуруп”, мамлекетке алып коёбу?..
"Азия Ньюс" гезити
