Атамбаев менен Жээнбековду сатып кеткен Марипов – келечекте Жапаровдун башын аттайбы?
Өзүн өкмөт башчы катары көрсөтө албаган Улукбек Марипов “Головнойдун” башын тажиктерге алдырып коюппуз...” деп айта салып, эки мамлекеттин ортосундагы чатакка себепчи болгону жалганбы? Тилинен жаңылып, согушка, кан төгүүгө күнөөкөрлөнгөнү кечиримсиз го? Эртеби-кечпи бул жагынан да суракка алынса керек... Ал эми иш жүзүндө Марипов аймактарды кыдырып, чет өлкөгө чыгымыш этип, кыйраткан эмгеги жок эле сыланып-сыйпанып жүргөнү кыжырды келтирүүдө. Жыйынтык бере албаса кетпейби? Башкасын айтпасак да, убагында Алмазбек Атамбаевдин аркасы менен карьера жасап, кийин Сооронбай Жээнбековго кошомат кылып, аныгында, экөөнү тең саясаттын ыңгайына жараша сатып кеткенин танабы? Көнгөн адатына салып, кийин Садыр Жапаровдун да башын аттап, жамандык кылып кетпесине ким кепилдик берет? Абайлагыла!
"Азия Ньюс" гезити
