Нурланбек Буркановду акасы эмес, машаяк колдосо да короодон айдалып чыкчудай...
Ноокат районундагы милициянын ыр-чырынан соң бир катар жетекчилер кызматтарынан кол жуушту. Ош ОИИБ начальниги Нурланбек Бурканов катуу сөгүш алып, орун басарлары да жазаланышты. Ээлеген кызмат ордуна татыксыз экени кашкайды. ИИМдин борбордук аппараты туура баа берди, натыйжада, аз убакытка чейин сыноодо кармайт окшойт. Акасы Арзыбек Бурканов ажого таянып алып, үкасын канчалык калкалабасын, баары бир ишпалдасы чыга турган абалга бараткандай. Аныгында Нурланбек Бурканов иштей албай, ИИМге кедерин тийгизип, милициянын ишин артка тартып атса, машаяк колдосо да короодон айдалып чыгары ырас. Себеби, жасалма түрдө карьера жасаган, эптеп жөлөк-таяк менен жүргөндөрдүн айынан бийликтин беделине сокку урулбашы керек. Ансыз да Ош облусунда оппозициячыл саясатчылардын электораты арбып турганда, саясый кырдаалга таасир этип койбойбу? Башкы укук сакчысы Нурланбек Буркановдун дараметин көрүп атабыз... Тескери кесепети тийип калбайбы?
"Азия Ньюс" гезити
