Кайда кетет? Байсалов “бийликтин мээси”, ансыз жол көрүнбөй калбайбы...
Эдил Байсаловду айрым депутаттар, саясый күчтөр вице-премьер-министрлик кызматтан кетире албай келатышат. Баштары менен там сүзгөндөй жанталашса да майнап чыкпады. Эмне үчүн? Себеби, Байсалов “бийликтин мээси” да, ансыз жол көрүнбөй калбайбы. Өкмөттөгү ишин өркүндөтүп, дээрлик саясый кырдаал боюнча багыт бергени, эч кимге окшобогон көз караштары, акылы менен айраң таңкалтырып аткан чакта кантип эле кызматтан баса берсин? Кыкеңдер алысты ойлосо Байсаловду мамлекет үчүн аягына чейин пайдаланып, согун сыгып, эл үчүн эриктирбей иштетип алыш керек. Акылмандык жагынан Акылбек Жапаров экөө атсалышып турганда, мындай кадрларды жердин жети чуңкурунан да таппайсың, туурабы? Андыктан, ыксыз эле Эдил мырзага асылгандар алды-артын ойлошсо, кыжынып отурган, каршы сүйлөгөн депутаттар өздөрү жаза тайып кетиши мүмкүн.
"Азия Ньюс" гезити
