Акыркы кабарлар
» Саясат » “Кемпирабадчылар” кечирим сурашса, оппозицияда Мадумаров эле жалгыз калабы?
“Кемпирабадчылар” кечирим сурашса, оппозицияда Мадумаров эле жалгыз калабы?
28-ноябрь, 21:06
“Вечерка” сайты Азимбек Бекназаров менен Равшан Жээнбековду ажо Садыр Жапаровго жолугуп чыгышканын жазды. Саясый элитада ар кандай талкуулар жанданууда. Биздин баамыбызда, “кемпирабадчылар” жашыруун документтердин негизинде коомчулукка кайрылышып, ажодон кечирим сурап чыгышса, бийликтин кадыры көтөрүлөбү? Ушул таризде ич ара талкуулар жүрүп жатканы айтылууда. Азырынча бул топтогу Равшан Жээнбеков жана Клара Сооронкулова, Рита Карасартова баштаган аялдар командасы кечирим суроого муюбай жатышабы? Ошентип, коомчулукта күмөн саноо жаралды. Ансыз да “кемпирабадчылардын” жарымынан көбү бийлик тарапка өтүп кеткени айтылып, саналуу гана адамдар өз позицияларында турушканы каңкууланууда. “Ит-жыгылыш оюн” кандай аяктай турганын убакыт көрсөтөт. Кызыгы, “кемпирабадчылар” түрмөгө жатышканына кайыл болушуп, акталышканына ыраазылык айтышабы? Анда оппозицияда туруктуу багытынан тайбаган Адахан Мадумаров эле жалгыз калабы? Бүйүр кызытчу күндөр алдыда. Көрө жаталы. "Азия Ньюс" гезити
