Айнура Салахидинова: “Ыйлап туруу да ден соолукка пайдалуу”

24-ноябрь, 12:09

2 552 ᠌ ᠌ ᠌ ᠌᠌ ᠌ ᠌᠌

Ырчы Айнура Салахидинова ден соолукка пайдалуу кеңештерди бөлүштү.Төмөндө ага көз жүгүртсөңүз болот.

1. Жылуу көк чайды бал менен ичсеңиз мээге пайдасы көп;

2. Тиштериңизди таза кармаңыз;

3. Сабизди уктаар алдында жесеңиз ден соолукка пайда;

4. Сууну узак кайнатуу же кайнатылган сууну кайрадан дагы кайнатып чай демдөө өтө зыяндуу;

5. Бийалма (айва) ширеси боор оорусун дарылайт. Күнүнө 1-2 стакан бийалма ширесин ичүү сунушталат;

6. Ар кандай ооруну дарылоо ашказанды айрандын сарысы менен жуугандан башталат;

7. Бутуңузду ар дайым таза, кургак жана жылуу кармаңыз;

8. Көк чай бөйрөктү жууйт, андагы сезгенүүнү айыктырат;

9. Адатта кечки саат ондон таңкы алтыга чейин укташ керек;

10. Жатаар алдында жеңил дене тарбия көнүгүүлөрдү жасаңыз;

11. Уктаар алдында төмөнкүлөрдү жесе болот: алма, бир кашык бал, бир стакан кефир же бал кошулган бир стакан жылуу сүт;

12. Уйкусу качкан адам бал жаласын;

13. Тез-тез айрандын сарысын ичип туруу кандын булгануу (уремия) оорусунан сактайт;

14. Таранчы жана бөдөнөнүн шорпосу адамды ар тараптан бакубат кылат;

15. Адамдын боору төрт нерсени жакшы көрөт: чийки капуста, быштак, катуу нан, бал;

16. Жайкысын муздак сууга көп жуунуп турсаңыз, жүрөгүңүздүн жана бооруңуздун иштеши жакшырат;

17. Ширин күрүч адамды жашартат, эркектик уруктугун көбөйтөт;

18. Мончодон кийин тишиңизди тазаласаңыз, ал бат агарат;

19. Итмурунду кайнатып, чайдын ордуна ичүү өтө пайдалуу;

20. Дайыма отуруп иштеген адам ар саатта ордунан туруп бассын;

21. Алма адамдын организмине керектүү нерселердин бардыгы менен камсыз кылат. Күнүнө эки алма жесеңиз жетиштүү болот;

22. Ашказаныңыз ооруп жатканда эртең менен жана уктаар алдында бир кашык дакталган зайтун майын ичүү сунушталат;

23. Кези келгенде орточо ыйлап туруу ден соолукка пайдалуу;

24. Кимде-ким 1 литр айрандын сары суусун кечинде 10-15 күндө бир жолу ичип, ашказанын жууса, кан басымы, кант диабети, геморрой, ашказан оорусу сыяктуу оорулардан кутулат;

25. Жашылчаларды көп пайдалануу өмүрдү узартат.

26. Көк чайды дайыма ичкен жана сары сабиз жеген адам өсмө (рак) оорусуна чалдыкпайт;