Акыркы кабарлар
21:02
» Шоу-Бизнес » Бек Борбиев: “Велосипед чыгара албай жүргөн өлкөбүз, автоунаа жөнүндө али сөз жок”
Бек Борбиев: “Велосипед чыгара албай жүргөн өлкөбүз, автоунаа жөнүндө али сөз жок”
21-февраль, 12:08
“Велосипед чыгара албай жүргөн өлкөбүз, автоунаа жөнүндө али сөз жок. Оң рулдууларга тыюу салабыз дегендерге ар дайым каршы оюмду айтып келем. Өзүбүздө автопром жок болгон соң, элдин социалдык деңгээлин көтөрүү үчүн кандай авто болсо да чек койбой, киргизүү керек. Унаасыз азыркы заманда карапайым үй-бүлөнү элестетүү кыйын. Автокырсыктарга сол рулдуулар деле аз эмес катышып жатканы баарыбызга маалым. Андыктан оң рулдарга тыюу салганды ойлобой, өкмөт автопром курууну ойлонуусу керек. Коңшу Өзбекстанга окшоп унаа заводдорун куруп алсак, анда түшүнүктүү, оң рулга тыюу салсак орундуу, же ошол эле Россиядай. Менин сунушум: “Оң рулдуу унааны биздин шартта, биздин сол рулдуу трассаларда кантип айдоо керек?” деген айдоочуларга эки айлык курстарды ачуу керек. Экзаменден өткөндөргө өзүнчө күбөлүк берип, трассага коё берсе болот. Албетте, бул менин жеке пикирим. Өзүң сол рулдуу же оң рулдуу эмес, арткы орунга дагы руль коюп унаа жасай албаган соң, сырттан келген кандай унаа болсо дагы өлкөгө киргизүүсүнө тыюу салуу – бул акылсыздык!” деп Инстаграм социалдык тармакка жазып чыкты.
