Акыркы кабарлар
» Кылмыш » Россияда кыргыз мигрантын өлтүргөн адам тогуз жылга кесилди
Россияда кыргыз мигрантын өлтүргөн адам тогуз жылга кесилди
18-декабрь, 13:00
Нижневартовск шаарынын соту кыргызстандык жарандын өлүмүнө шектүү кишини 9 жылга эркинен ажыратты.
Кыргыз мигранты менен кылмышка шектүү жаран спирт ичимдигин ичип отуруп, уруша кетишкен. Бирөө экинчисин бычак менен бир нече жолу сайып жибергенде, жабырлануучу алган жаракатынан улам каза болгон.
Кылмыштан кийин шектүү адам каза болгон жарандын сөөгүн катып, башка жумушчуларга аны бөлөк объектке иштегени кеткен деп алдап койгон. Маркумдун жансыз денеси табылгандан кийин, шектүү колго түшкөн.
Кечээ жакында кыргыз мигрантын өлтүргөн кылмышка шектүү адамдын үстүнөн сот иштери аяктап, ал тогуз жылга кесилди.
Aryba.kg
