СИЗОдогу “Дженгонун” өмүрү коркунучтабы?..
Бүйүр кызытчу окуялар алдыдабы? Эсиңерде болсо, “Дженго” каймана атындагы Кадыр Досонов тутунган идеясынан кайтпай атканы айтылып, Оштогу камак жайынан Бишкек СИЗОсуна которулганы кабарланган. Соңку убактагы абалы кандай? Айрым маалыматтар боюнча, “Дженго” камерада жалгыз отурары, катуу көзөмөлдө экени каңкууланууда. Ошого карабай анын өмүрүнө коркунуч туулуп, “Дөө Чыңгыздай” өлтүрүп коюшпайбы? Көз жаздымда камерасы ачылып, беш-алтоо кирип барып, төө бастыга алышып, бычактап салышпайбы?” деген суроолор жаралууда. Кандай гана кылмышка шектелген адам болбосун, КР мыйзамдарынын негизинде жазасын алууга тийиш. Атып же бычактап, союп салуу менен коомго тескери үлгүнү, айыкпаган жараны тартуулаган жарабас! Андыктан, баардык маселе мыйзамдын алкагында өнүксүн, укуктук мамлекеттин кутун учурбайлы!
"Азия Ньюс" гезити
