“Биз түпкү идеологиябыздан чыгып кеттик...”
-- Улуттук идеологиябызды таба албай, ар кандай диний агымдардын басымында калган жокпузбу?
Элмара Турсуналиева, алпаруучу:
-- Чен жеткис улуттук иделогиябыз бар, бирок аны элге жеткирүү маселеси кыйын болуп жатат. Дин апийим сыяктуу элдин мээсине орноп, улуттук баалуулуктар анын тебелендисинде калууда. Мечиттердеги молдо-кожолор өз улутун тепсеп беришүүдө. Атам тааныбаган арабдардын тарыхын окутуп, тамгаларын таанытып, одоно көрүнүшкө жол беришүүдө.
Баялы Саркулов, курултайчы:
-- Диндин өзүнүн жолу, эрежеси бар. Тилекке каршы, бүгүнкү күндө диндин эмес, динге жамынган ар түрдүү жамааттардын идеологиясынын басымында калдык. Улуттук идеологияга дин каршы эмес, тескерисинче багыт, көрсөтмө берет. Биз ошол түпкү идеологиябыздан чыгып кеттик...
"Азия Ньюс" гезити
