Бишкек мэриясы: “Сураныч! Люктарды уурдабагылачы, бул өтө коркунучтуу!”
Акыркы жыл ичинде эле Бишкектеги жаңы оңдолгон жолдордогу 800дөй люк уурдалган.
Бишкектин Лущихин, Күйүкова, Ахунбаев, Медеров, Токтоналиев, Алыкулов, Элебесов, Репин, Достоевский жана башка көчөлөрү уурулардын колунан жабыркаган. Люктар менен торчолорду жаңы конуштарда дагы, шаардын борбордук бөлүктөрүндө да уурдап жатышат. Мэриянын капиталдык курулуш башкармалыгы бир нече жолу укук коргоо органдарына арыз жазган менен, бир да люк кайтарылган эмес жана бир да ууру табылган эмес.
Бишкек мэриясы “Сураныч! Люктарды уурдабагылачы, бул өтө коркунучтуу! Жабырлануучулардын арасында силердин эле жакыныңар болуп калышы мүмкүн. Биз мыйзам менен жашоону үйрөнүшүбүз керек”, деп кайрылат.
Эгерде сиз да люктар менен торчолорду уурдап жаткан учурга күбө болуп калсаңыз, патрулдук милициянычакырыңыз!
Aryba.kg
