Бишкекте 14 жашар бала болгарка менен моюнун кесип каза болду
Бишкек шаарында 14 жашар бала электр болгаркасы менен моюнуна жаракат келтирип, окуя болгон жерден жан берди. Маалыматка ылайык, 6-апрель күнү милициянын нөөмөт бөлүмүнө Ак-Ордо-3 конушундагы турак үйлөрдүн биринде жашы жете элек бала өзүнө жаракат келтиргендиги тууралуу маалымат келип түшкөн.
"Окуя болгон жерге милиция кызматкерлери барышып, маалыматты тактаганда, үйдүн ичинен 14 жашар баланын жансыз денеси табылган. Жансыз денеге кароо жүргүзгөндө бала электр болгаркасы менен моюнуна жаракат келтирип, жеринде каза болгону аныкталган. Ал 2007-жылы туулган С.С. аттуу бала болгон.
Бул факты кылмыштардын жана жоруктардын бирдиктүү реестрине 136-берене "өзүн өлтүрүүгө жеткирүү" беренеси менен катталып, сотко чейинки өндүрүшкө алынган. Баардык тийиштүү экспертизалар дайындалып, тергөө иштери уланууда", - деп билдиришти райондук милициядан.
“Супер”
