Акыркы кабарлар
» Коом » Мектептер жана бала бакчалар азырынча толук ачылбайт
Мектептер жана бала бакчалар азырынча толук ачылбайт
29-март, 12:18
Бишкекте мектептерде жазгы каникулдан кийинки окуу процесси үчүнчү чейректегидей тартипте уланат. Бул тууралуу “Азаттык” радиосуна борбор калаанын билим берүү башкармалыгынын басма сөз кызматы кабарлаган.
Мекеменин маалыматына караганда, 1-2-3-4-5-9-11-класстар мектепке барып окушат, ал эми 6-7-8-10-класстардын сабактары аралыктан жүргүзүлөт.
Бала бакчалар да азырынча толук ачылбайт. Мектепке даярдоо жана муктаж үй-бүлөлөрдүн балдары үчүн ачылган өзүнчө топтор гана иштей берет.
Кыргызстанда коронавируска каршы чаралардан улам мектептер жана бала бакчалар 2020-жылдын мартында жабылган. Кийин айрымдары толук ачылды, кээ бирлери эпидемиологиялык кырдаалга жараша жарым-жартылай ачылып иштеп жатышат. Жеке менчик билим берүү жайларынын көбү ишин кадимки тартипте улантууда.
