Кыргызстанда ар бир 15-адам курсагы тоё тамак жебейт
БУУнун соода-сатык жана айыл чарба уюму Кыргызстандагы соода коопсуздугу жана тамактануу боюнча кырдаалды иликтеп чыкты.
Алардын иликтөөсүнө таянсак, 2016-жылдан 2018-жылга чейинки байкоолорго караганда, Кыргызстанда ар бир 15инчи жашоочу курсагы тое тамак жебейт.
Өлкөдөгү ар бир жетинчи баланын бою өз курагындагылардан кичине.
Ар бир 35-өспүрүм өтө арык.
Ар бир алтынчы кыргызстандык ашыкча салмак менен жабыркайт.
Ар бир 14-өспүрүм ашыкча салмак менен жабыркап келет.
Республикадагы ар бир үчүнчү аял анемиядан жапа чегет.
ФАОдон билдиришкендей, айыл чарба продукциясын өндүрүү көлөмүнүн өсүшү, ун менен туздун микроэлементтер менен байытылышы жана окуучуларды ысык тамак менен камсыздоо сыяктуу көрүлгөн иш-аракеттердин арты менен мамлекеттеги соода коопсуздугу жакшырган. Мындан улам өтө арык жана бою курагына жараша өспөй жаткан балдардын саны дагы азайган.
Анткен менен мамлекетте чоңдор менен балдардын ашыкча салмак менен жабыркашы жана анемияга кабылган аялдардын саны жогору бойдон калууда.
