Таластын жаңы башчысы турфирмасын «жашырып» койгон

14-март, 16:01

972 ᠌ ᠌ ᠌ ᠌᠌ ᠌ ᠌᠌

Factcheck.kg басылмасы өкмөттүн Талас облусундагы жаңы ыйгарым укуктуу өкүлү Бакытбек Нарбековдун 2002-жылдан тарта турфирмага ээлик кыларын жана аны декларациясында көрсөтпөгөнүн аныктады.

Облус башчысынын турфирмасы

Юстиция министрлигинин маалымат базасына ылайык, «ВОТ-TUR» (“БОТ-ТУР”) ЖЧКсы 2002-жылы февралда түптөлгөн. Бакытбек Наркулович Нарбеков анын жалгыз негиздөөчүсү жана директору. Компания «туризм агенттиктеринин башка ишмердиктери» менен алектенет.

«ВОТ-TUR» турфирмасынын ИНН көрсөтүлбөгөнүнө байланыштуу бюджетке төлөгөн салыктары тууралуу маалымат жок.