Эмир Сарпашев, ишкер: “Бийлик реформа кылбаса, коррупция отоо чөптөй чыга берет”
-- Эмир мырза, коррупция менен күрөшүүдө ири чиновниктер эмес, көбүнчө майда "чабактар" кармалууда. Бул эмнени билдирет? Бизде коррупцияга каршы күрөш кандай деңгээлде жүрүп атат?
-- Ооба, сен айткандай эле “чабактар” кармалганы байкалууда. Себеби, мыйзам талаасында фискалдык бийликке, соттук бийликке реформа кылыш керек. Бийлик да коррупционерлер менен катуу күрөшүп жатат, мындай Кыргызстандын тарыхында болуп көргөн эмес. Эгерде жогорудагы айтылган реформаны кылбаса, коррупция отоо чөптөй чыга берет.
Азыркы бийликтин саясатынын теориясы эң туура. Бирок аткаруучулар (мисалы, чиновниктер) кайсы "формулаларды" колдонууну билишпейт. Ошонун кесепетин тартып атышат.
-- “Оштогу селдин болушуна да күнөөкөрлөр бар” дегендей ой кыйытылды. Бул боюнча кандай пикирдесиз?
-- Кырсыкты бийликке түртүп салуу туура эмес. Аны Кудайдын жалпы элге жиберген сыноосу катары түшүнөм.
