Манас Осмон, журналист: “Биздей кедей, билимсиз эл өмүр бою алдана берет”
-- Бир жыл сегиз ай СИЗОдо отурган “кемпирабадчылардын" баары акталды. Алар Кыргызстандын саясый аба ырайын өзгөртүшө алабы?
-- “Кемпирабадчылар” Кыргызстандын саясый аба ырайын өзгөртө аларын айтуу өтө кыйын. Алар өлкөнүн оппозициялык блогун түзө алышпайт. Менимче, бийликке каршылык көрсөтүү кыймылы азыр жок. “Кемпирабадчылардын” көпчүлүк мүчөлөрү батышчыл көз караштагы саясатчылар. Ошон үчүн да калктын калың катмарынан колдоо болгон жок деп ойлойм.
-- Мыйзамсыз менчиктештирген мамлекеттик мүлктөр өкмөткө кайтарыларын Камчыбек Ташиев кайрадан эскертти. Бу сапар кимдердин энчилери мамлекетке алынышы мүмкүн?
-- Мамлекеттик мүлктөр кезегинде адилетсиз алкакта бөлүштүрүлгөн. Эмнеге бир ууч ууру-кескилер мага да таандык болгон мүлктөрдү менчиктештирип алышып, ошолор эле байый бериши керек? Кээ бир жарандарыбызды түшүнбөйм, “жеке менчикке тийбеш керек” деп кыйкырып атышат. Биздей кедей, анан билимсиз элди өмүр бою алдашып, мамлекетти дүңүнөн тоноп келаткандар өз кызыкчылыктары үчүн кыйкыртышып, жаман үйрөнүшкөн...
"Азия Ньюс" гезити
