Акыркы кабарлар
» Жанирмем » Күйөөм мени мүрзөгө жетелеп барып, “өлтүрөм” деп коркутту
Күйөөм мени мүрзөгө жетелеп барып, “өлтүрөм” деп коркутту
07-апрель, 20:55
17 жашымда турмушка чыккам. Күйөөм менден жети жаш улуу. Жашаганыбызга 4 жылдын жүзү болду. Азыркы убакта бир уул, бир кызыбыз бар.
Эки жыл жакшы жашадык. Жаңжалы жок тынч эле жашообуз бар эле. Биз иштеп Москвадан айылга келгенден баштап жаңжалдар башталды. Азыр кайнене-кайнатамдардын колундабыз. Бир үйдүн улуу келинимин, бөлүнө элекпиз. Өзүм пособие алам 6 миң сомдой. Күйөөм иштебейт, балдардын пособиесине жашайбыз. Мен акыркы убакта акчаны кызгана баштадым. Өзүм топтоп, “жакшы нерсеге жумшайын же окуп алайын” деген ойдо болдум. Күйөөмдүн иштешин кааладым. Өзүнүн аталык милдетин аткарышын талап кылдым. Кечээ жакында кызганычтын айынан мага кол көтөрдү, кийин кайненемдин, кайнежемдин айынан кол көтөрдү. Жаңжалыбыз улам күчөй берди. Кайненемдин кагып-силккени, киши ордуна көрбөгөнү жаныма батчу болду. Бир күнү каяша айтам деп балээге калдым. Күйөөм мени мүрзөгө жетелеп барып, “өлтүрөм” деп коркутту. Тизелеп отуруп, кечирим сурадым. Ал күндөн бери жүрөгүм катуу ооручу болду. Балдарым үчүн эле жашап жүргөндөймүн. Кандай айла кылам?
Нурзада
"Азия Ньюс" гезити
"Азия Ньюс" гезити
