Министр Жунушалиевдин айынан казак президенти Токаев чоочудубу?
Өлкөбүздө буга чейин ишкерлер уюшкан кылмыштуу топтор тарабынан өлтүрүлүп келсе, бүгүн Бишкектеги банктын филиалы тонолду. Эртең Казакстандын президенти Касым-Жоомарт Токаев расмий иш-сапар менен мекенибизге келет. Эки өлкөнүн президенттери мамлекеттик деңгээлдеги маанилүү жолугушууга даярданып аткан чакта, берегидей окуянын болушун кандайча чечмелейбиз? Бизде күч органдарынын жетекчилери кедеринен кетип, айрыкча ИИМ башчысы Кашкар Жунушалиевдин иши жүрбөй калганы, милиция коррупцияга батканы, уюшкан кылмыштуу топторго каршылык көрсөтө албаганы ачык көрүндү. Мунун негизги себеби, ИИМдин аксап жаткан кадр саясатынын кесепетинен болуп, коопсуздукка коркунуч жаралды. “Кашаң” жүрүштөгү министрдин кедери жеке эле өздүк курамга тийбестен, бүтүндөй мамлекеттин коопсуздугуна шек жаратууда. Өлкө Сицилияга айланып кеткиче Кашкар Жунушалиевди кызматынан айдап, ордуна татыктуу кадрды дайындаса болбойбу?
Казакстандын президенти Токаевдин расмий сапарына бир күн калганда Бишкекте банк тонолгону, мындай шартта кооптонуу жаралганы каңкууланды.
Aryba.kg