Улугбек Ормонов, ЖК депутаты: “Өлкөдө акы төлөп жүрүүчү жолдордун курулушу башталды”
-- Улугбек Зулпукарович, Төө-Ашууга альтернатива катары Бишкек–Суусамыр айланма жолун куруу боюнча долбоор сунушталууда. Сиздин оюңузча, ал долбоордун келечеги кандай?
-- Өзүңүздөр билгендей, азыр Кыргызстанда акы төлөп жүрүүчү жолдордун курулушу башталды. Биринчиси бул – Өзгөн шаарын айланып өткөн жол. Ошондуктан, мамлекет эмес, жеке инвесторлор тарабынан каржыланчу ар кандай долбоорлор сунушталууда.
-- Анда бул жол сиздин оюңузча, акы төлөнчү жол болушу керекпи?
-- Сөзсүз. Мамлекет негизги жолдорду карашы шарт, калган жолдорду инвесторлорго берип, алар өз каражатына салганы туура болот.
-- Түндүк-түштүк альтернативалык жолу эчак эле бүтүп, ишке кириши керек эле. Анын кечеңдешинин себеби эмнеде? Тоннелден уламбы?
-- Тоннель бүткөн. Себеп тоннелде деле эмес. Чычканда көчкүдөн сактачу атайын галерея салынбадыбы. Альтернативалык жолдо ошол жагы толук каралбай калган. Азыр көчкүлөрдүн алдын алуу боюнча иш-чаралар жүргүзүлүп жатат.
"Азия Ньюс" гезити
