Эртеңки митингде чагымчылардын айынан жөнөкөй жарандар жабыркайбы?
Соцтармактарда элди массалык түрдө митингге чакыруу, чагымчылык кылуу аракеттери байкалууда. Уюштуруучуларды, башында тескеп турган лидерлерди, жоопкерчилик алгандарды көрө албадык. Мындай шартта башаламандык болбосуна кепилдик жок. Митингге ар кандай кызыкчылыктарды көздөгөндөр келиши мүмкүн. Ооба, чыр чыгарууга, балким кан төгүүгө чейин кызыкчылыгы бар күчтөр аракет кылышсачы? Баардыгына карапайым эл курал болуп келген. Ал эми артта турган “дирижерлор” даяр устуканга отура калышып, өз мүдөөлөрүн жасап кетишери белгилүү. Акаев, Бакиев, Атамбаев режиминдеги митингдерде карапайым жарандар гана жабыр тартышкан. Сабалган, камалышкан, ал эми 2010-жылдагы төңкөрүштө атылышкан! Андыктан, биз эски катачылыктарды кайталабашыбыз керек. Эртеңки, 25-ноябрдагы өтө турган акциялар тынчтык иретинде айтылганы менен бузукулар пайдаланып кетишсе, бейкүнөө адамдар жабыркап калышпайбы?..
Aryba.kg
